قالوا غاب

الى كل من يصمت عندما يريد الكلام ويهرب من بين فكية قاموس المفردات ..
الى كل عاشق سيَمُر ُ من هنا..
والى من يمزق سكوتي وصمتي بصمته ِ الرهيب ..
أهدي هذه الكلمات ..

قالو غاب
عن الباب
چف ايدك ألف يا حيف
طول الليل
هد الحيل
بعدك والدمع چنه سيف
عفت النوم
وابچي هموم
لنك ما تمرني بطيف
چنت وياي
مثل الماي
للعطشان وكت الصيف؟؟
يا ماي الندى النازل على الوردات


مو سهله البشر لو يفتگد عشه
ارعش كلي بعدك حاير ومحتار
بنص الناس لكن أشعر بوحشه
راجعت الطبيب وگلي خالي امراض
لكن بعد الحبيب مسوي هالرعشه ؟؟
ما أنساك
أبقه وياك

حبك صار
جنه ونار
وبعينك حبيبي تشوف
رغم الحال
چنت خيال

تظل روحي على حبك ماتنكرك يوم
وتظل انته الوحيد العايش وياها
يا أول محب حبيته في هالكون
هاي الروح صدگ أنته تسواها
ما أگدر اعوفك روحي بيها اجروح
وبس انته الوحيد الترهم ادواها
وعلى حبك تضل هالروح تتنفس