أشياء كاذبه تقولها كل بنت عن نفسها, ادخل يابنى انت وهو واعرفوا الحقيقه

زائر

لكل بنت كام جملة شهيرة تقولها عن نفسها، سواء تقولها للآخرين أو تقولها

لنفسها دون أن تصرح بذلك، وهذه الجمل هي عبارة عن قناعات داخلية

داخل كل بنت ولكنها بعيدة تماما عن الواقع، وهذه الجمل يا عزيزي هي:

أنا واثقة من نفسي جدا

فدائما ما تشيع البنت عن نفسها ثقتها في نفسها وأنها الأفضل من الجميع، ولكن إذا كانت هذه الثقة موجودة بالفعل فلماذا تنظر لصديقاتها في كل شيء، ولماذا تنظر للأخريات دائما، ولماذا تتعفرط على شريكها إذا نظر لفتاة أخرى، ولماذا تنهار هذه الثقة فورا أثناء مشاهدة نانسي عجرم

أنا يهمني الراجل نفسه مش فلوسه

ففي كل أحاديث البنت مع المقربين تؤكد أنها لا تهتم بفلوس شريكها بل الأهم شخصيته ومركزه وأخلاقه، كما تؤكد أنها تستحمل أن تعيش معه "بدقة" وعش العصفورة هيكفيهم، ولكن إذا قام الرجل بالمغامرة الفاشلة وتقدم على هذا الأساس فسوف يرى معتقداتها وسعت شوية، والدقة تحولت إلى كنتاكي، أما عش العصفورة فقد تحول إلى شقة أربع مطارح بمنافعهم ولازم كورنيش سقف، أي أنه سيواجه أسئلة سمير غانم في مسرحية المتزوجون وهي "العيلة عندها كام محل فول؟ العيلة عندها كام تاكس؟".

لا أنا زي غيري ولا غيري زيي

تعتقد البنت أنها متفردة دائما على رأي أغنية سميرة سعيد "لا أنا زي غيري ولا غيري زيي .. ولا حد غيري يحب زيي" أي أنها متفردة في موضوع الحب ولا أحد يحب ويعشق مثلها، كما أنها الرومانسية التي ليس لها مثيل، ولكن لن تعطيك البنت أبدا أي دليل على هذا التفرد وسوف تغني أنت لها فيما بعد "كلهم بيقولوا كدة في الأول.. وآخرها زيها زي غيرها"

أنا بحب فستان الفرح "السمبل"

إذا شاهدت أس قعدة بنات بيتفرجوا على مجلات فيها فساتين فرح أو كتالوجات عن هذه الفساتين، فستجد كل واحدة عاملة فيها ماري لوي وتختار أبسط الفساتين، وأكثرها رقة، وأقلها تطريزا، بل يمكن أن تجد واحدة تمادت في التمثيل وتختار أي كيس مخدة أبيض مفيهوش أي حاجة وتقول عليه "رائع .. هايل .. رقيق قوي" وإذا صدقت أنت يا بطل هذه الحكايات وهذا الزوج سوف تصطدم فيما بعد باختيارها لفستان أبيض بكرانيش ومليان تطريز ومنفوش زي تندة المحلات، وعمرها ما هتكون جريئة وتختار حاجة زي إللي كانت في المجلات، ولذلك نجد العجب في أفراحنا المصرية من عجائب الفساتين وهطل المكياج وهرتلة الاكسسوارات، لتتأكد أنها لم تكن تشاهد فساتين بل تشاهد "فسا - طين

زائر

مجانين نعمل ايه

ههههههههههههههههههههههههه
بس انا مش كده مش مغروره
وانا سبت بنت في السكن بجد عشان
هي كده انا بكره الناس الي كده

زائر

و انا كمان بجد ما بطيقهمش و على فكرة معظم البنات كدة و اللاهي.

معظم حاااااااااااااااسب طيب
اوعك تقول كلهم
وانا عرفه فعلا معظمهم كده
صح صح coool

هههههههههههههههههههههههههههههههههههههههههههه
اه والله معاك حق
بس في ناس كتير مش كده

انت بتتكلم عن نوع واحد

اسمه شبعه بعد جوعه

اما البنات الطبيعين ولاد الناس عمرهم مايكونوو كده

وكله بيبان في المواقف وكله حسب الشخصيه

اه زي ما عملت بيا بنت مغروره موووت

مش كلهم بس 65% من بنات السكن مغرورين بصراحه

بس اكيد انا مش منهم cuteee

زائر

مين اللي قال كده

انا بقول كده تعترض؟

والله كلام حمادة يا جماعة صح وحلو اوي
تسلم يا حمادة ....بس مش كلهم كدة طبعا

هو ده الكلام الصح

اكككككككككككككككيد صح وغلط ليه
بس انا كمان مش منهم cuteee

ههههههههههههه

زائر

يا جماعة ميرسي على الردود...

أنا مقولتش حاجة غلط ..صحيح في كتير بنات مغرورين...

بس في بنات طباعهم كدا يعني الغرور دة من طبيعتهم يعني صفة ميقدروش لازقة فيهم..