عايز تحل مشاكلك؟؟؟؟؟؟؟ تعالي هنا

عايز تحل مشاكلك؟

يا ترى ايه هي المشاكل اللي بتعاني منها؟؟

فكر مع نفسك كده واكتب كل المشاكل اللي انت حاسس انها بتعيق سعادتك وتقدمك

الناس مش فاهماك؟

الظروف حواليك صعبة؟

المدير في الشغل مضايقك؟

اكتب مشاكلك بسرعة في ورقة قبل ما تقرا الموضوع وهانرجعلها بعدين

*******

كتبت؟؟ جميل.. تعالى بقى نعرف ايه الحكاية

عشان تحل جميع مشاكلك لازم أولا تفكر بأسلوب صح.. لأن الباحثين اكتشفوا ان الفرق الحقيقي بين الناجحين والفاشلين هو نمط تفكيرهم

فيه نمطين من التفكير هم اللي بيحددوا ما ذا كنت انسان ناجح ولا فاشل.. والنمطين دول يمكن تغييرهم بإرادتك

نمط الفاشلين في التفكير
:

الفاشلين دايما بيميلوا انهم يهربوا من مواجهة مشاكلهم بحيلة ظريفة قوي.. وهي حيلة: أنا ضحية الظروف ولا يد لي في حل مشاكلي

تلاقي الواحد من دول قاعد يلوم كل اللي حواليه.. أبوه لأنه كان بيعاقبه..
الفرص لأنها غير متاحة.. زوجته لأنها مش فاهماه.. مديره لأنه مش بيقدره..
الجو لأنه مش مناسب

تلاقيهم فنانين في تأليف أسباب فشلهم ويبتدوا يدوّروا على شماعات يعلقوا
عليها فشلهم.. أي شماعات وخلاص.. أي شيء يلوموه إلا هم أنفسهم

تلاقيه قاعد يلوم كل حاجة حواليه ويعتبرها سبب فشله و تعاسته.. ويعتبر نفسه ضحية وسط ظروف صعبة لا يد له فيها

لو لقيت المشاكل اللي انت كتبتها انت دايما فيها الضحية.. فأنت في مشكلة ويجب أن تغير نمط تفكيرك

نمط الناجحين في التفكير
:

الناجحين دايما بيفكروا بأسلوب مختلف عن كده

يقول ريتشارد باندلر: أنا مسئول عن عقلي, إذن أنا مسؤول عن نتائج أفعالي

طريقة التفكير دي هي: أنا مسؤول عن حياتي مش أي حد تاني

بدل ما يقول: مشكلتي هي ان الناس مش فاهمينّي

يقول: مشكلتي هي إني مش قادر أخلي الناس تفهمني

فاهم الفرق؟

بدل ما يقول: مشكلتي هي ان المدير مش بيقدرني

يقول: مشكلتي هي اني مش عارف أقنع المدير بقدراتي

المشكلة حلها عندك انت مش عند الناس

بدل ما تقول: مشكلتي ان الظروف صعبة

قول: مشكلتي هي اني مش عارف أقهر الظروف

*******

عشان تنجح لازم تؤمن تماما ان لك سيطرة تامة على حياتك وانك مش ضحية ظروف ولا حاجة

لو فيه مشكلة يبقى انت السبب فيها وانت اللي في ايدك حلها.. لوم نفسك انت مش تشوف شماعة تعلق عليها مشاكلك

انت في ايدك تغير اي حاجة حواليك واي مشكلة انت بنفسك ممكن تتولى حلها.. هي دي مهمتك طوال حياتك

الناجحين بيفكروا بالأسلوب ده

لو فكرت بأسلوب الضحية, هاتبقى فاشل ومش هاتغير حاجة لأنك.. ببساطة..
أقنعت نفسك ان قوى خارجية هي اللي بتتحكم فيك وتفضل تستحمل اللي بيجرالك و
خلاص

انما لو آمنت ان اي مشكلة بتحصل, حلها في ايدك انت مش في ايد اي حد تاني, هاتتحرك و تحلها وتبطل تلوم الظروف اللي حواليك

لو لقيت نفسك بتلعب دور الضحية.. ولقيت نفسك قاعد تلوم شخص ما أو ظروف
معينة.. اعرف ان آن الأوان تغير طريقتك لأنها مش هتاخدك للاتجاه الصحيح
*******

انت مسئول عن حياتك وأي تغيير انت عايزه هاتحققه نفسك, مش بلوم الظروف والأشخاص

هي دي بداية تحقيق التغيير الإيجابي اللي بتتمناه لحياتك

*******




WIth MY love

EMY

محدش عندو مشااااااااااكل

ياااااااااااااه ايه دة كل دي كومنتات لالا تعبتووووو نفسكو

مرسي مرسي عالردوووووووووووووووووود الحلوة مش عارفة بجد اقلكو ايه

مش ملاحقة ارد علي مين ولا مين ولا مين

مرسي

انا عندي مشكله يا مولتو كيك

مشكلتي اني

مرت على فترة وتغيرت وتغيرت على الناس كمان وعملت لهم مشاكل وكله دك بسبب ابليس

ودلوقتي فوقت ونفسي يا سامحوني

اتغيرت عليهم بالناحية السلبية اكيد مش كدة



انت حاول تغير معاملتك معاهم وحاول دايما تثبتلهم شخصييييييييتك

وعامل كل واحد ادامك علي حسب طبعو مش كلو معاملة واحدة الناس بردو بتختلف

اكيد

وبجد يسلمو يا قمر

وثانكس مرة تانيه

شوفتي اول واحد بيساهم في موضوعك

موضوع جامد اخر حاجه يا ايمي

اه واللله يا متحديه الهبل

تسلمي عالموضوع مرة يجينن

بس ابغى اقولك شي هو انا مشكلتي انة لما الناس بيغلطوا بعطيهم مبررات سبب افعالهم من عندي ودايما بيصير الفاس براسي وبطلع انا الهبلة الي ماافهم الي حوليا

ولما حاولت اغير بنفسي لقيت نفسي بشك بالي حوليا واحيانا بضلمهم ومش عارفة الحين ايش الحل

واسفة على الازعاج

اولا مرسي لكل اللي ردو


المشكلة دي بتكون في كل الناس حتي انا

ودة بيكون احيانا من تصرفات الناس حواليكي تخليكو تفقدي الثقة فيهم

فانتي حاولي متظلميش حد لحد ما تتا كدي الاول وامسكي نفسك شوية ومحدش هيغير نفسو من يوم وليله اكيد هيكون عايز وقت شوية

فاهماني

انا حياتي اغلبها مشاكل من كل نوع بتوجهني كل يوم واحيانا بهرب واحيانا بوجها

اه فهماكي اوي الناس اصناف واجناس وانا احترت كيق اعاملهم

تسلمي على ردك ياقموووووووووورة

انا اكبر مشكله عندي
اني بتغير بسرعه على كل اللي حوليه من غير سبب وده سببتلي مشكله مع وحده اعرفها خمس سنين
وبعدين سبتها طبعا هي لحد دلوقتي مش مسمحاني
يعني على حسب مزاجي
بس الحمد لله بديت اتغيرالايام ده
واكيد هبقى احسن

متقوليش كده مانا معاكي من 13سنة وعمري ما حسيت انك جرحتيني ابد
بالعكس كل ايامنا كانت احلى ايام
وبالمناسبة من هي البنت اللي انتي مخاصماها ايه حكايتها

وانا مشكلتي إني حساسه اوي وباخد اي كلمه علي نفسي ودي حاجه بتسببلي مشاكل مش طبيعيه

مرسي يا سورا بعدين انا لو هتغير على كل الناس انت طبعا لا
انت روحي وتوامي ده لينا زكريات طفوله
البنت ده يعني
ربنا يستر عليها و علينا
خلينا ساكتين احسن

خلاص يا روحي انا اسكت علشانك انت بس