اغلى منها

]انا مش خاين لوحبيتها مش خاين
كانت فى يوم حبيبتك وانت الى ضيعتها
كانت بين ايديك وانت الى سيبتها
وبرده عايزها ليك وانت مش بتحبها
اه كانت ساكنه قلبك وانت ساكن قلبها
بس انت فهمتها انك من قلبك طردتها
خلتها مش حبيبتك ومن المحبه حرمتها
وحبيت وحده غيرها وهى سيبتها
ليه حاسس انها بتعتك ومفيش حد يقربلها
يا أخى سيبها تعيش وتشوف بقى حبها
مش هخونك لو حبيتها وسكنت قلبها
ايوه انا معجب بيها وحاسس كدا منها
وعارف انها رايحه منى بس برده بحبها
واخر مشوارى معاها انى هخسر حبها
لسبب مش بأيدى ولا بأيدها دا بحكم سنها
بس شغلت بالى وكيانى من نظره منها
ولقيت ده هيزعلك فبعدت عنها
وخلاص سيبتها فى حالها ونسيت حبها
ولو كانت على قلبى غاليه فا انت اغلى منها
و والله ماهكون خاين لو كنت اخطرتها

الله الله بجد الموضوع جامد اوي و التوبيك بجد هايل يا لينا...


بس عندي ملاحظة صغيرة ...انا حاسس ان العنوان مش ماشي مع الموضوع يعني انا حاسس انة لو اتغير الموضوع حيبقى أحلى....دةة رأيي مع إحترامي ليكي طبعا...بس بجد ميرسي يا صاحبة المواضيع الحلوة.

ميرسي جدا على رأيك



والله حتى انا مش عجبنى اسم الموضوع بس ملقتلوش اسم



اقترح عليا وانا اغير

ثانكس