كلمات مؤلمة....بهديها الى انسان (((من تأليفي)))

زائر

للدرجادي هونت عليك.....حبيتك و هجرتني ...غليتك في قلبي و رخصتني و بعتني...يا تري مين فينا الظالم و مين فينا المظلوم.....

((انت لو جرحت ايدي كان دمي طلع بس المشكلة انك جرحت قلبي و اخاف ان روحي يا غالي هيا اللي تطلع...امبارح بتبعني و النهاردة بتراضيني...الدنيا دي مش على كيفك تبيع و تشتري فيا على كيفك...حرام عليك طب لية....عذبت قلبي معاك لية مادام انت مش اد الحب بتحب لية؟؟؟؟؟؟؟؟؟؟؟؟
خليت قلبي قافل على نفسة باب مش عارف انا نفسي افتحة...خليت قلبي متعود على الصدمة و خليتة متعود على الفراق خليت قلبي ميأمنش لحد حتى لأقرب الناس لية...هدمت الشوق اللي كنت بعيش انا علية ليك و بدلتني بواحد تاني...كأنك بتلعب بيا زي اللعبة تبدلني زي ما انت عايز...طب لية؟؟؟

و المشكلة بعد كل دة كنت فاكر انك حتفوق من اللي انت فية و ترجعلي...بس يا خسارة استنيتك لحد ما قلبي بقا زي الحجر .....
بس حنساك زي ما نسيت اللي قبلك و حعتبرك غلطة في حياتي ..عادي ما كل الناس بتغلط....

غريبة اوي الدنيا دي..الدمع فيها ما بينشفش دي جزات الواحد اذا حب حد بجد؟؟؟؟؟؟؟؟انة يفضل طول عمرة متعذب و بيحاول ينسى اللي حبة...يا خسارة...و انا اللي كنت فاكر انك الملاك اللي بحلم اعيش في حضنة و مطلعش منة....!!!!

((تعمل اية اذا كان الوحيد اللي قادر على مسح دمعتك هوا اللي جرحك..تعمل اية؟؟؟))

دي كلمات بهديها الى انسان كان نفسي يكون معايا بس دلوقتي انا بقول الحمد لله انة مش معايا!!